Xəbərlər

Füzuli rayonunda Təhsildə İnkişaf və İnnovasiyalar üzrə IX qrant müsabiqəsi çərçivəsində “Hüquq Müdafiəçiləri Klubu” layihəsinə dair tədbiri keçirildi.

Təhsildə İnkişaf və İnnovasiyalar üzrə IX qrant müsabiqəsi çərçivəsində həyata keçirilən “Hüquq Müdafiəçiləri Klubu” layihəsinin bağlanış tədbiri uğurla baş tutdu.

6 ay davam edən layihə müddətində 9, 10 və 11-ci siniflərdən olan 30 şagird fəal iştirak edərək hüquq sahəsində bilik və bacarıqlarını inkişaf etdirdilər. Layihə çərçivəsində iştirakçılar üçün seminarlar, maarifləndirici görüşlər, viktorinalar və məhkəmə simulyasiyaları təşkil olundu.

Bağlanış tədbirində layihə iştirakçıları əldə etdikləri bilik və təcrübələri bölüşdülər, valideynlər və qonaqlar layihənin gənclərin hüquqi maariflənməsinə verdiyi töhfələri yüksək qiymətləndirdilər. Tədbir zamanı fəal iştirakçılar sertifikatlarla təltif olundular.

Füzuli rayonunda Qarabağ kənd tam orta ümumtəhsil məktibinin yeni binası təqdim olundu.

Füzuli rayonunda Qarabağ kənd tam orta ümumtəhsil məktibinin yeni binası təqdim olundu.

Füzuli Rayonunda 1 İyun - Uşaqların Beynəlxalq Müdafiəsi Günü münasibətilə tədbirlər keçirildi.

Tədbir Füzuli Rayonu İcra Hakimiyyətinin başçısı Alı Alıyevin iştrakı ilə keçirilmişdir. Bundan əlavə müxtəlif ümumtəhsil müəssisələrində də 1 İyun - Uşaqların Beynəlxalq Müdafiəsi Günü qeyd olundu.

Füzuli Rayon Komitəsinin təşkilatçılığı ilə üzvlərə Lerik rayon gəzintisi təşkil olundu

Elm və Təhsil İşçiləri Həmkarlar İttifaqı Füzuli Rayon Komitəsinin təşkilatçılığı ilə üzvlərin istrahət vaxtlarının səmərəli keçirilməsi məqsədilə Lerik rayonuna gəzinti turu olmuşdur.

Füzuli rayonunda Ulu Öndərimiz Heydər Əliyevin 103 illiyinə dair tədbir keçirildi

Füzuli Dövlət Peşə Təhsil Mərkəzində Ulu Öndər Heydər Əliyevin 103 illiyinə dair keçirilən tədbir zamanı, Heydər Əliyevin həyat tarixindən, uzaq görən siyasətindən və Azərbaycan Xalqı üçün etdiyi fədakarlıqlardan danışıldı.

Füzuli rayon Komitə üzvləri "NAZLI BULAQ" istarət mərkəzinə 2 günlük gəzintisi olmuşdur

Elm və Təhsil İşçiləri Həmkarlar İttifaqının təşkilatçılığı ilə Füzuli Rayon Komitəsi tabeliyində olan üzv təşkilatların bir qrup heyyəti "NAZLI BULAQ" istrahət mərkəzinə 2 günlük gəzintiyə göndərilmişdir.Gəzinti zamanı üzvlər üçün asudə vaxtlarının səmərəli keçirilməsi təşkil edilmişdir

Füzuli rayonunda Ulu öndər Heydər Əliyevin 103 illiyinə həsr olunmuş inşa və rəsm müsabiqəsi idman yarışı keçirildi

Füzuli rayonu İcra Hakimiyyətinin və ETİHİ Füzuli Rayonu Komitəsinin təşkilatçılığı ilə Ulu öndər Heydər Əliyevin 103 illiyinə həsr olunmuş inşa və rəsm müsabiqəsi idman yarışı keçirilmiş tədbirdə 1, 2, 3 - cü yer qalibləri fəxri fərman və hədiyyələrlə mükafatlandırılmışdır. Tədbir zamanı rayon başçısı cənab Alı Alıyev gəncləri şəxsən təbrik etmiş və gələcəkdə mənəvi dəyərlərimizi daima yaşatmaları üçün öz töhfələrini vermişdir.

Füzuli rayonunda Ümumdünya Əməyin Mühafizəsi Gününə dair tədbir keçirildi.

Hər il aprel ayının 28-də Beynəlxalq Əmək Təşkilatı (BƏT) tərəfindən əməyin mühafizəsi və sağlamlığı ilə bağlı müxtəlif mövzulara diqqət yetirərək Ümumdünya Əməyin Mühafizəsi Günü qeyd edilir. Elm və Təhsil İşçiləri Füzuli Rayon Komitəsinin təşkilatçılığı ilə Füzuli rayonu Horadiz şəhər 2 N-li körpələr evi-uşaq bağçasında və Füzuli rayonu 59 N-li tam orta ümumtəhsil məktəbində əməyin mühafizəsi və təhlükəsiz iş şəraitinə dair tədbir keçirilmişdir. Tədbir zamanı işçilərlə qarşılıqlı müzakirələr aparılmış, onların təklifləri dəyərləndirilmiş və sualları cavablandırılmışdır.

Füzuli rayonunda uşaqların sağlam gələcəyinə dair tədbir keçirildi

Füzuli rayonunda Füzuli Rayon İcra Hakimiyyətinin təşkilatçılığı ilə “Sağlam gələcək naminə uşaqların düzgün və balanslı qidalanması, hərtərəfli inkişafı, hüquq və azadlıqlarının qorunması” adlı tədbir keçirildi. Tədbirdə uşaq hüquqlarının müdafiəsi üzrə komissiyanın üzvüləri, AQTA-nın Qarabağ regional bölməsinin əməkdaşları, rayon ərazisində fəaliyyət göstərən körpələr evi-uşaq bağçasının rəhbərləri və aidiyyəti şəxslər iştirak etdilər.

Tədbir zamanı Ulu Öndər Heydər Əliyev tərəfindən təməli qoyulan dövlət-uşaq siyasətindən və bu siyasətin bu gün də Azərbaycan Respublikasının Prezidenti cənab İlham Əliyev tərəfindən uğurla davam etdirilməsindən danışdı. Tədbirin əsas məqsədi uşaqların sağlam inkişafının təmin olunması, onların hüquqlarının qorunması və cəmiyyətin bu istiqamətdə məlumatlılığının artırılmasıdır.

Füzuli rayonunda Aprel Şəhidlərinin əziz xatirəsi anıldı.

Tariximizə qalibiyyət ruhu kimi yazılan Aprel döyüşlərinin başlamasından 10 il ötməkdədir. Məhz 2016-cı ilin aprel ayında torpaqlarımızı işğal altında saxlayan Ermənistanın növbəti təxribatına cavab olaraq başladılan əks-hücum əməliyyatı nəticədə Lələtəpə yüksəkliyi daxil olmaqla mühüm strateji yüksəkliklərin azad ediməsi ilə nəticəsini tapdı. Ali Baş Komandan İlham Əliyevin rəhbərliyi altında rəşadətli Silahlı Qüvvələrimizin düşmənə ard-arda sarsıdıcı zərbə endirməsi və cəbhə boyunca irəliləməsi isə gözünü belə açmağa imkan tapmayan düşmənin böyük itkilər verərək geriyə çəkilməsi, qaçması ilə başa çatdı və bütün torpaqlarımız işğaldan azad olundu.Allah bütün Şəhidlərimizə rəhmət eləsin.

Füzuli rayonunda 31 mart soyqırımı qurbanlarının xatirəsi anıldı.

Füzuli rayonunda 31 Mart-Azərbaycanlıların Soyqırımı Günü ilə əlaqədar anım tədbiri keçirildi. Horadiz şəhərində soyqırım qurbanlarının xatirələrinin əbədiləşdirilməsi məqsədilə ucaldılmış “31 Mart Soyqırım” adlı abidə kompleksi Füzuli RİH-nin başçısı Alı Alıyev və ETİHİ Füzuli Rayon Komitəsi, Şəhid ailələri, qazilər və ictimaiyyət nümayəndələri tərəfindən ziyarət edildi.Dəyirmi masa arxasında geniş çıxışlar olundu.

Füzuli Rayon Komitəsi üzvləri " Novruz 2026 " düşərgəsində iştrak etmişdir.

Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqı (ETİHİ) Respublika Komitəsi tərəfindən “Təhsil İstirahət Mərkəzində” ali, orta ixtisas və peşə təhsili müəssisələrinin əməkdaşları üçün 21- 25 Mart tarixlərində təşkil olunmuş “Novruz 2026” adlı düşərgədə Elm və Təhsil İşçiləri Həmkarlar İttifaqı Füzuli Rayon Komitəsinin üzvləri də iştrak etmişdir.

Düşərgə çox yüksək səviyyədə olmaqla yanaşı üzvlərin bayram günlərinin xoş və təkrar olunmaz əhval ruhiyədə olmalarına, onların mənəvi dəyərlərinin zənginləməsində mühüm təsiri olmuşdur.